Fakulteti Juridik i Universitetit të Prishtinës, LLB, 2024.
Queen Mary University of London, LLM në Commercial and Corporate Law (parashikuar për 2025)
Dior Zhuri i`u bashkua Shoqërisë së Avokatëve “Sejdiu & Qerkini” në vitin 2019, në një moshë shumë të re, dhe në vitin 2021 u avancua ne pozitën e Asistentit Ligjor. Që nga viti 2024, z. Zhuri shërben në avokaturën tonë si Bashkëpunëtor.
Gjatë studimeve në Fakultetin Juridik të Universitetit të Prishtinës, z. Zhuri u veҫua si student i dalluar. Për më tepër, z. Zhuri mori pjesë në gara të shumta prestigjioze ndërkombëtare. Ai përfaqësoi Fakultetin Juridik dhe Kosovën në garën e arbitrazhit ndërkombëtar “Willem C. Vis Moot,” duke garuar krahas studentëve nga qindra universitete të njohura nga i tërë globi. Gjatë studimeve baqellor, Z. Zhuri gjithashtu përfundoi edhe një semestër shkëmbyes në Universitetin e Paris Nanterre në Paris, Francë, duke u specializuar në Banka dhe Financa Korporative. Njëheri, pas diplomimit, ai vazhdoi ngritjen akademike, dhe aktualisht vijon studimet në programin LLM në Commercial and Corporate Laë në Universitetin prestigjioz Queen Mary University of London, me diplomim të parashikuar në vitin 2025.
Në anën tjetër, z. Zhuri tani e disa vite plotësoi arritjet akademike me përvojë praktike të thellë në shkrim juridik, hulumtimin ligjor, menaxhim të projekteve, hartim dhe analizë të kontratave, dhe ofrimin e mbështetjes juridike për klientët korporativ të firmës sonë. Ekspertiza e z. Zhuri shtrihet edhe në sektorin privat, ku ka punuar me disa kompani të mëdha në Kosovë. Për më tepër, ai është aktivisht i angazhuar në shoqërinë civile, si në nivel lokal ashtu edhe rajonal, duke dhënë kontribut të rëndësishme në nismat për fuqizimin e të rinjve.
Si edhe shihet, ai ka një interesim te theksuar në të drejtën korporative dhe komerciale.
Përveç gjuhës amtare shqipe, z. Zhuri flet rrjedhshëm gjuhën angleze.
